ഇണ

ഇണ 
************
അവൻ, വെള്ളക്കുപ്പായത്തിൽ 
കരിപുരണ്ട ചിന്തകളുമായി ഇരയെ തിരഞ്ഞു
ദർശനങ്ങൾ ചവച്ചു തുപ്പി വല തീർത്തു
നാറ്റം മറയ്ക്കാൻ ഊദിന്റെ മണമണിഞ്ഞു
കൈകളിൽ കാരിരുമ്പിന്റെ മുള്ളണിഞ്ഞു
കണ്ണിൽ കാമത്തിന്റെ തീ നിറച്ചു
കാളകൂടങ്ങളെ രേതസ്സാക്കി
വായിൽ പുരോഗമനങ്ങൾ വിഴുപ്പലക്കി
വലയ്ക്കുള്ളിലെ ചതിച്ചുഴിയിൽ പതുങ്ങി
ഇരയെ കാത്തു ...
അവൾ, നിത്യ പ്രണയിനി, സ്വപ്ന സഞ്ചാരിണി
അണുവണുവാവോളം കാമം കൊതിച്ചവൾ...
പുല്ലിലും പുഴുവിലും സത്തറിഞ്ഞവൾ
മാതളത്തിന്റെ മണമുള്ളവൾ
ഭോഗവേഗങ്ങളെ താളമാക്കുന്നവൾ
ഉന്മാദിനി, നിമിഷങ്ങളിലെ പൂർണ്ണത
അഴിക്കുന്തോറും മുറുകുന്ന കുരുക്കു വീഴുമ്പോൾ
അവൾ കരഞ്ഞില്ല, പകച്ചുമില്ല
തേടിയത് ഇണയെ,
അവനിലെ ദർശനങ്ങളുടെ തോഴനെ....
വിഷപ്പല്ലുകൾ ആഴ്ന്നിറങ്ങുമ്പോൾ
കൊതിച്ചത് പ്രണയവേഗങ്ങളുടെ ചൂട്
അവളുടെ വർന്നച്ചിറകുകൾ അവനരിഞ്ഞു
പരുക്കൻ കരിമ്പടമിട്ടു വലിഞ്ഞു മുറുക്കി
അപ്പോഴും അവൾ കേണത്
അത്തർ മണക്കുന്ന രാത്രികൾ.....
സത്തയൂറ്റി ചവച്ചുതുപ്പി വലയിൽ നിന്നും
അവൻ അവളെയെറിഞ്ഞു.....
കാരിരുമ്പിന്റെ കനത്ത പൂട്ടുള്ള
ചാണകച്ചാലൊഴുകുന്ന പറമ്പിൽ
അവിടെ അവൾ നിത്യത കൊതിച്ചു
ഭൗമയോനിയിലൂടെയുണരാൻ,
വളരാൻ പടരാൻ നിറയാൻ അറിയാൻ......
അപ്പോഴും അവൻ വലനെയ്യുകയായിരുന്നു
അടുത്ത ഇരയ്ക്കായി
ദർശനങ്ങൾ ചവച്ചുതുപ്പി..

Comments

Post a Comment

Popular posts from this blog

അയ്യപ്പ അഷ്ടകം

1 ശതകോടി വിഭാകര കാന്തിമതേ  ശബരീഗിരി വാഴുമകം പൊരുളേ  ശരണപ്രിയ, ദേവ,  ദയാനിധിയേ  ശനിദോഷമകറ്റി വരം തരണേ  2 തരുശാഖ നിറഞ്ഞ കൊടുംവനവും  കരിനാഗമിഴഞ്ഞുലയും മനവും  ഒരുപോലെ നയിച്ചു നിറഞ്ഞരുളും  നിറവേ നിധിയേ നിലയേകിടണേ  3 കലികാല കരാള കരങ്ങളെഴും  ഇഹലോക മഹാദുരിതങ്ങളിലും  അഹമെന്നുമൊഴിഞ്ഞമൃതം നിറയാൻ  പരമേശ,കൃപാകര, നീ ശരണം  4 ശബരീശ, മഹേശ, മഹാമഹസേ  തിരുജ്യോതി ജ്വലിച്ചുണരും നഭസേ  ശരണം തിരുനാമ പദാവലികൾ തവസന്നിധി തേടുമുപാസനകൾ  5 കൊടുകാനനമാണഖിലം നിറയേ  നരി, നാഗ, വരാഹ, മൃഗങ്ങളുമേ ഗിരിതന്നിലിരുന്നരുളും കനിവേ  തവ സന്നിധിയാണടിയന്നഭയം  6 പുഴു,പക്ഷി , പരാദ, ചരങ്ങളിലും  ഗജവീര, മൃഗേന്ദ്ര, മൃഗങ്ങളിലും  കുടികൊണ്ടരുളുന്ന മഹാശയനേ  കുറതീർത്തു തരും ജഗദീശ്വരനേ 7.മദമോഹമതാദികളാലുഴലും മനതാരിലെ വൻപുലിയേറിയിനി  മഹിഷീവധമാടുക ചിന്മയനേ  മണിമണ്ഡപ ജീവസമാധിതനേ  8 പരനേ പരമാത്മ പരാത്പരനേ   പതിനെട്ടു പടിക്കുര ചെയ്തവനേ  അതു കേറിവരുന്ന നരർക്കരുളായ്, "അതു നീ " പൊരുളായി  നിറഞ്ഞവനേ  അനീഷ് തകടി...
Read more

സൂര്യകാലടി മന

Image
 സൂര്യകാലടി മന    മനുഷ്യന്‍ .  ആദിയില്‍ യാത്ര തുടങ്ങിയവൻ.  അറിവ് തേടിയുള്ള യാത്ര.  അനാദിയും അനന്തവുമായ യാത്ര.  ഈ യാത്രയില്‍ നേടുന്നതെല്ലാം പുണ്യം തന്നെ.  കടപ്പാട് ഈ പ്രകൃതിയോടു.  പിന്നെ പലപേരുകളില്‍ വിളിക്കപ്പെടുന്ന ആ മഹാശക്തിയോടും . വിശ്വാസ ങ്ങൾ പലതായിരിക്കാം.  അവിശ്വാസവും.  ഇവിടെ യാത്രക്കാരൻ വെറും കാഴ്ച്ചക്കാരൻ .  ഒന്നിനെയും  നിഷേധിക്കാതെ, ഇടപെടാതെ ചുറ്റുംകാണുന്ന ഇന്നിന്റെ കാ ഴ്ച്ചകളുടെ ദൃക് സാക്ഷി  ഈ യാത്ര മരണാനന്തരം തേടി.    യാത്ര അവസാനിച്ചത്‌ സൂര്യകാലടി മനയില്‍.  ഐതീഹ്യമാലയില്‍ പറയുന്ന അതേ  മന തന്നെ.  കോട്ടയത്താണിത്.  എന്റെ കൂടെ സുഹൃത്തുകളായ ആലീസും അജിത്തും.  ഉള്ളില്‍  സംശയങ്ങളും ചോദ്യങ്ങളുമായി ഞങ്ങള്‍ അതിരാവിലെ മനയില്‍ എത്തി.  ഞാന്‍ ചുറ്റും ഒന്ന് കണ്ണോടിച്ചു.  വിശാലമായ പറമ്പ്.  അല്‍പ്പം ഉയര്‍ന്ന സ്ഥലത്താണ് മന.  ചുറ്റിയൊഴുകുന്നത് മീനച്ച്ചലാറ് .  പ്രശാന്തമായ സ്ഥലം. ഈ യാത്രക്ക് ഒരുങ്ങും മുന്പ്   നടത്തിയ ഗവേഷണത്തിൽ...
Read more

ഞാൻ

'ഞാൻ' എന്ന സൂക്ഷ്മ പ്രപഞ്ചവും 'ഞാൻ' എന്ന സ്ഥൂല പ്രപഞ്ചവും അതായത് 'ചെറിയ ഞാനും വലിയ ഞാനും' തമ്മിലുള്ള സംവാദം. ഒരർത്ഥത്തിൽ അതല്ലേ ജീവിതം?  Human Being- മനുഷ്യൻ 'ആയിത്തീരുന്ന' അവസ്ഥ.  Being Human ആയിരിക്കും കുറച്ചുകൂടി ശരി. എപ്പോഴാവും മനുഷ്യൻ 'ആയിത്തീരുന്നത്'?  'Being' എന്നത് അന്തമില്ലാത്തൊരൊഴുക്കാണ്. 'വർത്തമാനം'  മാത്രമുള്ള അവസ്ഥ.  ഞാനെന്ന 'തുള്ളി' ഈ മഹാസാഗരത്തിലെ ഒരു നിസ്സാരകണം മാത്രം. ആ 'പ്രഹേളിക'യുടെ എല്ലാ ഗുണങ്ങളും തൻമയീഭവിച്ചിട്ടുള്ള 'തൻമാത്ര'. അങ്ങനെ നോക്കുമ്പോൾ ഞാൻ പ്രപഞ്ചമാകുന്നു. എല്ലാത്തിനേയും ഞാൻ അടക്കുന്നു. എല്ലാത്തിലും ഞാൻ അടങ്ങുന്നു. ജീവവും അജീവവുമായ എല്ലാം എന്റെയുള്ളിൽ. ഞാൻ 'വിരാട് പുരുഷ'നാകുന്നു!  എന്റെയുള്ളിൽ പ്രപഞ്ചം ഉദിക്കുകയും അസ്തമിക്കുകയും ചെയ്യുന്നു.  'ചെറിയ ഞാനും വലിയ ഞാനും' തമ്മിൽ സദാ സംവദിച്ചു കൊണ്ടേയിരിക്കുന്നു. എന്റെ പക, പ്രണയം, ആസക്തി, ആർത്തി തുടങ്ങി സകലതും എന്നോടു തന്നെ ആണെന്നുള്ള വിചിത്രമായ യാഥാർത്ഥ്യം. മറ്റൊരാളിനെ സ്നേഹിക്കുമ്പോൾ വാസ്തവത്തിൽ ഞാൻ എന്നെത്തന്നെയല്ല...
Read more